Otra vuelta tuvi l'oportunidá de viaxar pa ver como ta'l tema de la inmigración por Melilla. Tuvi pel CETI (Centru Estancia Temporal pa Inmigrantes) y les quexes que dicíen los inmigrantes yeren referíes a los nuevos alcuerdos de repatriación que ta faciendo'l gobiernu español colos sos países d'orixe. Munchos llevaben más de seis meses ellí y taben azotaos. Otros taben perilusionaos porque teníen ya los PAPELES (pallabra más nomada nel CETI) pa dir pa la Península.Tuvi dándo-yos clase un día y prestóme muncho, desplicándo-yos ónde taben les ciudaes,.... y andechando.
Melilla ye una ciudá mui militar. Ta interiorizáu y pué vese per toes partes les banderes d'España pa dexar claro ú tan. Conocí perbien la ciudá y los sos monumentos. Prestóme muncho conocer a Helena y a Kishú dos rapazos melillenses que se portaron conmigo perafayadizamente. Tarán siempre nel mio corazón por cómo me trataron.
Un viaxe onde aprendí munches coses y del que toi agradecíu a toos, les muyeres y homes d'Accem pol llabor que faen polos inmigrantes. Gracies.
Toles semeyes tán nesti enllaz: