BÉLXICA-BELGIQUE-BELGIË Marzu 2009

Taba con ganes de prauticar el mio francés asina que coyí les coses y colé pa Bélxica pa conocer esti país. Como tolos viaxes que fixi fasta agora, prestome pola vida. Ye tan guapo güeyar otres realidaes....equí nun semeya que tean a la griesca coles distintes llingües del país (francés, neerlandés ya alemán). Nótase la milenta tiempu que lleven en democracia. Tola xente ye respeutao. Debíemos deprender un poquiñín pelos nuesos llares. Equí tan delles semeyes. Afayaivos.



Asina mesmu, tuvi l'oportunidá de facer un alcuentru con Xurde/Jorge, un asturianu que ta iguando'l programa "Háblame de tu tierra" qu'emite cá quince díes l'emisora belga Radio Alma al rodiu d'Asturies. Gracies a esti alcuentru xurde'l nuevu requexu n'asturianu nesta radio nomáu "Sentir l'asturianu" n'homenaxe a los emigrantes de la nuesa tierra nesi país. Equí vos dexo la charra que tuvimos entre nós el día qu'aporté pa Bélxica.